Faka Aplikado 

11 - 20 (74)
 
 

Komiksoj en Esperanto

2011-09-07

Intertempe en pluraj retejoj aperas komiksoj en Esperanto - sur bildetejo.net, sur komiksoj.wordpress.com kaj ankaŭ ĉe esperanto.com.

Jam antaŭ du jaroj komencis aperi komiksoj ĉe komiksoj.wordpress.com. Tiujn tradukas el la germana lingvo laborgrupo de lernu.net - la originaloj venas interalie de nichtlustig.de kaj fonflatter.de. Tiuj komiksoj nun publikiĝas ankaŭ ĉe esperanto.com. Tradukiĝis jam pli ol cento da komiksoj.

Pli nova estas la retejo bildetejo.net. Ĝi publikigas ĉiusemajne tradukojn - de Baloo, Gogo la testudo, Gronk kaj mycartoons.de.

 

Informteknika entrepreno varbas per Esperanto

2010-11-29

auf deutsch

La entrepreno BT Global Services en varbofilmeto uzis ankaŭ Esperanton; BTGS estas parto de la privatigita brita telefonentrepreno BT kaj havas tutmonde ĉ. 35.000 dungitojn.

En la filmeto kunlaborantoj priskribas la laboron de la entrepreno; en Esperanto oni aŭdas: "Ni kunigas komunikaĵajn kaj retajn informteknologiajn servojn sekure kaj efike."

La du minutojn longa varbofilmeto "Who we are, what we do" (Kiu ni estas, kion ni faras) estas videbla ĉe Youtube; la du Esperanto-partoj troviĝas en la unua triono kaj ĉe la fino; tie aŭdiĝas: "La diferenco estas mi." Aldone al Esperanto aliaj kunlaborantoj parolas en la franca, persa, nederlanda, ĉina, portugala, hindia kaj germana.

[esper=brit]

 

Konkurso por filmetoj

2010-04-16

La esperanto-asocio en Sainte Foy la Grande (Francio, apud Bordozo), unuafoje organizas konkurson por filmetoj, por reliefigi tiun arton en Esperanto tra la mondo. Limdato por kandidatiĝo estas la 10a de majo 2010.

Kondiĉoj

La filmetoj nepre en Esperanto (originale aŭ tradukite) povas daŭri 1 ĝis 15 minutojn.

La bildkvalito devas esti sufiĉa por larĝa ekrano (filmado per poŝtelefono ĝenerale ne tre bone taŭgas). Ili povas aparteni al unu aŭ pluraj jenaj kategorioj: aktualaĵoj, biografio, dokumenta filmo, dublado (por ĉiu kategorio), fikcio, intervjuo, muziko, porinfana filmo, teatraĵo, movbildoj (ĉiaspecaj: desegnita aŭ/kaj komputila filmo, ktp.), varbado, ktp.

Estos pritaksataj: filmado, scenaro, dialogoj, lingvo, prononcado, scenigo, aktorado, muziko, kreemo, ktp.

La filmojn la aŭtoroj sendu per KD aŭ per la interreto. Filmojn la ĵurio povas ankaŭ elekti sur la interreto per Ipernity, la Farbskatolo, Wideo, Youtube, Dailymotion, ktp.

Prezento okazos la 15an de majo 2010.

La rezultojn oni anoncos sur la interreto kaj per gazetoj. La premioj estos ĉefe simbolaj.

Por kandidatiĝi, necesas sendi filmon antaŭ la 10a de majo, kun siaj kompletaj poŝtadreso, retadreso, nomo, aĝo, kaj mallonga biografio (maksimume unu paĝo longa, kun cirkonstancoj de la filmo, nomo de la partoprenintoj, ktp.).

Enskribiĝoj kaj informoj ankaŭ eblas sur la paĝo de IKoFo

La adreso de la ĵurio estas: Filmeta konkurso, co/ MH Desert, 13 les goulards, 33220 St. Avit-St. Nazaire, Francio, tel. 33 (0) 557 462 891, retadreso: ikofo ĉe orange.fr

 

Kataluna sindikato rekomendas Esperanton

2010-02-17

La 9-a kongreso de la kataluna filio de la sindikato CGT, kunveninta la 7-an de februaro de 2010, unuanime aprobis rezolucion favoran al Esperanto.

En ĝi oni "kuraĝigas ĉiujn sekciojn de la CGT subteni la disvastigon kaj lernadon de la Internacia Lingvo inter la membroj kaj simpatiantoj" kaj "proponi al ĉiuj liberecanaj organizoj favori la lernadon de Esperanto kun la celo uzi ĝin kiel laboran lingvon en la kunordigo de la internacia liberecana movado".

Laŭ vikipedio la "Confederació General del Treball"/"Confederación General del Trabajo" estas reformisma anarkia hispana sindikato. En tuta Hispanio ĝi havas ĉ. 60.000 membrojn.


Hispana teksto

Resolución aprobada por aclamación en el IX Congreso de la CGT de Catalunya el día 7 de febrero de 2010

El 9o Congreso Confederal de la Confederació General del Treball de Catalunya,

* Considerando la urgente necesidad de una plena cooperación de los libertarios a nivel internacional en la lucha contra el capitalismo,
* Considerando que esta cooperación debe estar regida por los procedimientos de la democracia directa y que ésta sólo será posible con el uso de una lengua común a nivel internacional,
* Considerando la imposibilidad de que esta lengua común pueda ser alguna lengua nacional, en primer lugar, por la dificultad que supone el aprendizaje de una lengua natural para la mayoría de los trabajadores, en segundo lugar, por el agravio comparativo que supondría que una parte del movimiento usara como lengua común su lengua materna y otra parte una lengua aprendida a medias y, finalmente, por los problemas ideológicos generados por el posible uso, como lengua común, de alguna de las lenguas coloniales hegemónicas,

Resuelve

1. Manifestar que la Lengua Internacional Esperanto es, hoy por hoy, la más adecuada para el establecimiento de relaciones horizontales e igualitarias entre los trabajadores de todo el mundo y entre las organizaciones libertarias.
2. Animar a todos los entes de la CGT a que promuevan la difusión y aprendizaje de la Lengua Internacional entre sus afiliados y simpatizantes.
3. Proponer a todas las organizaciones libertarias que fomenten el aprendizaje del Esperanto a fin de poder emplearlo como lengua de trabajo en la coordinación del movimiento libertario internacional.

Lleida, 7 de febrero de 2010

 

Saneca konsilado en Anglio kaj Kimrio en Esperanto

2008-10-22

La brita saneca servo "National Health Service" (NHS) ofertas en Anglio kaj Kimrio telefonan konsiladon ankaŭ en Esperanto. La servo "NHS Direct" uzas la lingvoentreprenon "Language Line", kiu zorgas pri interpretado per telefono.

Esperanto estas unu el entute 160 lingvoj, en kiuj civitanoj en Britio povas telefone konsulti la sanecan servon.

La oferto de Esperanto konatiĝis danke al parlamenta demando ( sekva paĝo) de la konservativa parlamentano Mike Penning, kiun respondis la ministro pri saneco Ben Bradshaw. En kelkaj gazetaj artikoloj oni kreis la impreson, ke la interpretado estus multekosta pro la granda kvanto de malmulte uzataj lingvoj; tiurilate oni menciis ankaŭ Esperanton, ekzemple en Telegraph.

La servojn de la interpreta entrepreno "Language Line" uzas ankaŭ kelkaj oficejoj de la brita polico, pro kio supozeble ankaŭ tie Esperanto estas uzebla lingvo.

 

Skolta insigno en Esperanto

2006-05-10

La monda organizo de skoltoj (WOSM) ofertas okaze de la centjara jubileo insignojn en Esperanto kun la teksto "Unu mondo unu promeso". La insigno estas destinita al oficiala uzo sur skoltaj uniformoj.

La insignon oni vendas en tri grandecoj. Plia malpli granda insigno estas mendebla ĉe la hispana skolta vendejo Risko kaj ĉe la Skolta Esperanto-Ligo. Ĉe Risko ĝi dumtempe estas unu el la dek plej multe vendataj varoj.

[e-ins]

 

Brazila arto-muzeo en Esperanto en la reto

2005-09-08

Retpaĝaro pri Arta Muzeo de la Federacia Univesitato de Cearao legeblas ankaŭ en Esperanto en la reto. Krom tre interesaj historiaj kaj kulturaj informoj en la nun pretiĝanta Esperanto-versio vi eĉ povos per la reto viziti la muzeon.

[nun]

 

Vizitu la urbon Moravske Budejovice per Esperanto rete!

2005-09-07

La ĉeha urbo Moravske Budejovice havas sian oficialan retpaĝon ankaŭ en Esperanto. En la retpaĝaro oni trovas preskaŭ ĉiujn uzeblajn kaj necesajn informojn pri la urbo.

[landa-agado]

 

Libera Penso uzos Esperanton?

2005-08-29

La mondkongreso de la internacia asocio "Libera Penso", kiu okazis en Parizo, Francio, akceptis la ideon instigi uzon de Esperanto, kiel justa komunikilo en rektaj internaciaj interŝanĝoj.

Danke al la instigo tuj post la aranĝo franca, nacia kongreso de "Libera Penso" en Metz akceptis instigon al la anoj uzi Esperanton kaj starigi Esperanto-komisionon.

[esper-inform]

 

Esperanto-DVD?

2005-08-25

Tutmonda Esperanto-Junulara organizo planas pretigi DVD-on pri la internacia lingvo. La disko enhavus informojn kaj prezentojn uzante diversajn metodojn. Estas atendataj ĉiuj bonaj proponoj.

La DVD-projekto estas parto de la Esperanto@Interreto projektaro de la asocio.

[tejo]

 

© EsperantoLand