Lingvopolitiko 

11 - 20 | 31 - 40 (40)
 
 

Kiu iĝos la aviada lingvo?

2004-10-29

La uzo de la angla en aviado invadas ĉiam novajn kampojn. Nun eĉ samlandanoj devas paroli kun samlandanoj en la angla, kaj la kampanjo pluiras. Gruõp de esperantistoj volas eviti tion.

La grupo atendas ĉiujn interesiĝantojn, kiuj emas labori, por ke Esperanto iĝu la pontolingvo de aviadistoj.

[pluraj kanaloj]

 

"En EU oni ne parolu unuavice anglalingve, sed en Esperanto!"

2004-10-11

Pola EP-ano, Bronislaw Geremek en intervjuo, kiun li donis al pola radistacio, Radio Bielsko, rekomendis, ke "En EU oni ne parolu unuavice anglalingve, sed en Esperanto!"

Bronislaw Geremek antaŭ multaj jaroj lernis la Internacian Lingvon sed ne estis aktiva Esperantisto. Nun en la Eŭropa Parlamento estas jam eĉ du personoj, kiuj forte subtenas Esperanton.

[nun]

 

Brusela komunikadcentro vastigas la kampanjon

2004-10-07

La Brusela Komunikadcentreo de Eŭropa Esperanto Unio vastigas sian kampanjon kaj fokusiĝas al politikistoj, kiuj kontraŭas Esperanton.

Fokuso: defendo de lingva diverseco

La ĉefa karaktero de la nova, pli vasta kampanjo estas, ke oni komencu la alproksimiĝon per informoj pri defendo de lingva diverseco kaj lingvaj rajtoj, en la nomo de lingvodefendaj grupoj kaj ne de Esperanto-societoj.

[pluraj kanaloj]

 

Praga Manifesto en la kazaha

2004-09-10

La dokumento, Praga Manifesto, kiu estis akceptita dum la Universala Kongreso en Prago, estis tradukita al la kazaha lingvo. Ĝi estas legebla en la retpaĝaro de kazahaj esperantistoj.

[informado]

 

Esperantistoj de EU kunvenis

2004-08-30

284 personoj kunvenis el 24 landoj dum la Eŭrop-Unia Esperanto-Kongreso en Bilbao, Hispanio. La ĉi jara kongreso estis la 6-a, kiun organizis Eŭropa Esperanto-Unio por helpi la organizadon de la Eŭrop-Unia Esperanto-agado.

[landa-agado]

 

Rektoroj el novaj EU-landoj instigas enkondukon de Esperanto

2004-08-26

Konferenco de orienteŭropaj universitataj rektoroj instigis eŭropajn universitatojn enkonduki la instruadon de Esperanto kaj disvastigi ties aplikon en diversaj kampoj de la vivo. La Konferenco de rektoroj el la dek novaj membroŝtatoj de Eŭropa Unio faris tiun rezolucio okaze de kunveno en Lublino, Pollando, fine de aprilo 2004.

La rektoroj invitas ankaŭ aliajn landojn kaj universitatojn aliĝi al la rezolucio.

[universitato]

 

Esperanto ricevis 25 000 voĉdonojn

2004-06-22

La politika listo Eŭropo-Demokratio-Esperanto ricevis entute 25 000 voĉdonojn dum la Eŭropo-Parlamentaj elektoj en Francio. Tio signifas 0,15 procentojn de la voĉdonoj.

Malsamaj rezultoj

La plej bonan rezulton de la elektoregionoj atingis Bruno Schmitt en "Oriento", kiu ricevis 0,24 procentojn de la voĉoj (5336 voĉojn). Aparte elstaras la nord-korsika vilaĝeto Valle-d'Orezza, en kiu la listo atingis 60 procentojn de la voĉoj.

Nesufiĉaj subskriboj en Germanio malgraŭ nobelpremiito Selten

La germana grupo de EDE kolektis ĉirkaŭ 2000 subskribojn por subteni la listan kandidatiĝon - nur la duonon de la bezonataj 4000. La koncerna kampanjo malfrue komenciĝis kaj tiam evidente ne plu helpis, ke la Esperanton parolanta nobel-premiito Reinhard Selten gvidis la liston de la kandidatoj.

 

Eŭropo-Demokratio-Esperanto (EDE) en la publiko

2004-05-30

La partio Eŭropo-Demokratio-Esperanto (EDE) estis akceptita en Francio kiel partoprenanta partio en la juniaj EU-balotoj kaj intencas eluzi tion por informi pri Esperanto.

EDE en la listo

En la listo de la partioj, por kiuj oni povas voĉdoni aperas 18 partioj; inter ili ankaŭ Eŭropo-Demokratio-Esperanto, EDE. Oni mencias la oficialan liston en "Journal Officiel" (Oficiala Ĵurnalo) la 14-an de majo 2004. La partio troviĝas en la 4-a loko en la listo laŭ alfabeta ordo. La gvidantoj de la partio certe estus tre kontentaj, se la saman lokon atingus la partio dum la balotoj - sed tio ne vere estas realisma celo de la agado.

La partopreno signifas aperadon en la medio!

Por Eŭropo-Demokratio-Esperanto la partopreno en la eŭropuniaj balotoj signifas interalie aperadon en diversaj amaskomunikiloj, kiel radistacioj, televidkanaloj, ĵurnaloj, ktp. Tiel oni povos informi pri la lingva problemo kaj pri Esperanto.

[esper-inform]

 

Esperanto en "Semajno de Eŭropo"

2004-05-26

En la franca urbo La Roche-sur-Yon denove publike aperis la nomo "Esperanto", unu monaton post la sukcesa kongreso de SAT-Amikaro, ĉi-foje en la "Semajno de Eŭropo" inter la 1a kaj la 9a de majo. Plian fojon la nomo de la asocio Esperanto-Vendée estas menciita inter la partneroj de urba evento.

"Pieda Ralio" per Esperanto

Laŭ urba respondeculo, direktoro de la Domo de la Mondo kaj de la Civitanoj, la pieda ralio organizita de la loka Esperanto-societo estis unu el la plej frekventitaj aranĝoj de la semajno. La partoprenintoj de la urba piedralio estis invititaj al manĝeto, post kiu okazis debato pri la lingvoj de Eŭropo, kie oni fakte parolis ĉefe pri Esperanto.

[esper-inform]

 

Festo de la kultura diverseco - Eŭropa Bunto

2004-04-16

La 1-an de majo Eŭropa Unio pligrandiĝos de 15 al 25 ŝtatoj. La novan-malnovan union karakterizos riĉega kulturo. Por festi tion dum la "naskiĝtago" de Eŭropa Unio, la 9-an de majo okazos Eŭropa Bunto, festo de kultura diverseco en Strasburgo, Francio, unu el la plej grandaj kulturaj ĉefurboj de Eŭropo.

Ekde la 1-a de majo Eŭropo havos anstataŭ 12 nun 21 (aŭ 22 - depende de la voĉdono en Cipro) oficialajn lingvojn, se ni kalkulas je la minoritataj lingvoj, la nombro estas eĉ pli.

Kiom da lingvo, tiom da kulturo!

Esti Eŭropano signifas esti ano de riĉa kultura komunumo. La movado de Eŭropa Bunto celas montri kaj demonstri tiun riĉecon per festo en manifestacio.

La programo de Eŭropa Bunto konsistos el koncerto de la tuluza kantisto JoMo (ĉirkaŭ tagmezo), fama ĉe la Guinness-libro de Rekordoj kiel kantisto en la plej granda nombro da lingvoj. La parado ekos je la 14-a horo de la Place de l'Universite kaj finiĝos ĉirkaŭ la 17-a antaŭ la Eŭropa Parlamento. La tuto estos kompletigita per deklaroj far la diversaj delegacioj venintaj el la tuta Eŭropa Unio.

 

© EsperantoLand