Federala sperto

Edmond Privat

78 paĝoj

komparo inter Usono,Svisujo kaj Ligo de Nacioj

Prezo ĉe EsperantoLand: 2,00 €

Recenzo de leganto, 19-a de aŭgusto 2012

Ege bona kaj daŭre aktuala libro je mirige malalta prezo. Eĉ rilate al la Eŭro-krizo indas relegi ĝin, ĉar ĝi prezentas bonajn argumentojn por vera Eŭropa Federacio.

En Vikipedio mi skribis jenon:

Federala sperto estas libro pri mondfederismo verkita de Edmond Privat kaj publikigita de Universala Ligo en 1958. La franclingva versio de tiu ĉi libro aperis jam en 1942; la esperantlingva versio tamen estas komplete reverkita kaj aktualigita.

Privat verkis tiun libron sub la impreso de la Dua Mondmilito, per kiu evidentiĝis la fiasko de la Ligo de Nacioj. Lia baza tezo estas, ke nacia suvereneco povas esti danĝera, kaj ke federacio kun potencaj centraj organoj estas pli vivkapabla ol nura ligo de suverenaj ŝtatoj. Tiun ĉi tezon li ilustras per prezento de du 'sukcesoj' - Usono kaj Svislando - kaj unu 'malsukceso' - La Ligo de Nacioj. Li skribas pri la rezisto, kiun siatempe renkontis la starigo de usona federacio en 1787 kaj de svisa federacio en 1848 (ekzemple pro la onidira malsameco de la unuopaj nordamerikaj kolonioj respektive la svisaj kantonoj), kaj pri la prospero, kiu fine rezultis el la sukcesa unuigo de tiuj landoj al federacio.

Privat kritikas, ke la Unuiĝintaj Nacioj sekvis la eraran vojon de la Ligo de Nacioj, ĉar ankaŭ ili 'ne kuraĝis forigi la danĝeran suverenecon de la membro-ŝtatoj'. Privat pledas por pluevoluigo de la UN al duĉambra sistemo: Aldone al ties Ĝenerala Asembleo (la kunveno de la ŝtatoj) ekzistu dua kunveno elektota de la popoloj laŭ proporcio de la loĝantoj. Li favoras ne nur la kreon de monda parlamento, sed ankaŭ la starigon de monda registaro kaj tutmonda polico.

Ulrich Matthias

meti unu ekzempleron en vian aĉetujon

al la rubriko Kompleta Listo

al la librolisto

skribi recenzon

al la ĉefpaĝo

 
lasta ŝanĝo: 2013-10-31
© EsperantoLand.org
 

16-a Novjara Renkontiĝo 2017/18 en Saarbrücken

La deksesa Novjara Renkontiĝo (NR) de EsperantoLand okazos de la 27-a de decembro 2017 ĝis la 3-a de januaro 2018 en Saarbrücken - tuj apude de Francio. Aliĝis ĝis nun 21 homoj kaj ni atendas denove 150 ĝis 200 gastojn - inter ili kiel kutime sesdeko da infanoj kaj junuloj. Okazos apartaj programeroj por junuloj kaj junaj plenkreskuloj inter 14 kaj 35 jaroj (ĉefe 14 ĝis 20) sub la nomo "Novjara Internacia Semajno" (NIS). plu

 

579 Esperanto-grupoj el la tuta mondo

Esperanto-novajhoIntertempe 579 lokaj Esperanto-grupoj troviĝas sur la grupaj mapoj de EsperantoLand. De Kordobo en Argentino ĝis la Amikeca Klubo de Hararo en Zimbabvo Esperanto-parolantoj en trideko da landoj ĝojas pri vizitantoj el eksterlando. plu

 

Renkontiĝoj kaj aranĝoj sur mapoj

Esperanto-novajhoSur la tutmondaj mapoj de EsperantoLand eblas trovi kaj enmeti informojn pri renkontiĝoj kaj aranĝoj en la tuta mondo. plu