La dezerto de la Tataroj

Dino Buzzati

Edistudio (1993)

173 paĝoj, 21,6 × 15,0 cm

"La dezerto de la Tataroj" arigas en si ĉiujn elementojn de la verkarto de Dino Buzzati, tial ĝi estas konsiderata lia plej grava romano. La temoj de la vivo kiel rezigancio, soleco, malvenko, atendado kaj la oftaj surpaŝadoj en la teritorion de magia alegorio estas karakterizaj trajtoj de Buzzati kaj la ŭefaj motivoj de tiu ĉi libro.

Giovanni Drogo, ĵus nomumita oficiro, alproksimiĝas al Fortikaĵo Bastiani - kiu reprezentas ĉies laborlokon kaj vivon - altirata de nekonata, severa estonteco kaj samtempe timigata de antaŭsento pri absoluta soleco. La impona Fortikaĵo konkeras la junulon per sia mistera potenco kaj li tie ŝtoniĝas en senfina atendado de io vere inda, ĝis kiam ĉion tranĉas la plej lasta homa paŝo kaj li troviĝas sola, antaŭ plumbogriza, senmova maro - la morto. En la lastaj paĝoj tamen estas iel optimisma mesaĝo: la timon de la morto venkas la soldata digno kaj ĝin transformas en la tiom atendatan batalon.

Absolute homaj temoj do, kiuj igas ĉi tiun libron inda je tutmonda atento, plej taŭga materialo por traduko en Esperanto.

Tiu ĉi brila traduko gajnis la Premion Eva-Edistudio por 1992.

Prezo ĉe EsperantoLand: 9,00 €

al la libro

Via nomo

Via retpoŝta adreso

Via recenzo por La dezerto de la Tataroj

Bv. enmeti la vorton ZamXenhof sen X
(por eviti sendadon de aŭtomate produktataj mesaĝoj)

 

© EsperantoLand.de