41 - 50 (549)
Lingvopolitiko, Esperanto en Europo
English Forum Switzerland:Cenzuro kontraŭ Esperanto [2011-10-10]
Komputilo/Interreto, Radio, Muziko
Muzaiko - retradio en Esperanto [2011-10-05]
Komputilo/Interreto
Vikia Vortaro - serĉi kaj plukrei [2011-09-14]
Komputilo/Interreto, Faka Aplikado
Komiksoj en Esperanto [2011-09-07]
Komputilo/Interreto
Interreta televidelsendo el Meksikio [2011-09-04]
Lingvokursoj/Instruado
2310 homoj ekzameniĝis pri Esperanto en Hungario [2011-08-28]
Komputilo/Interreto
150 000 artikoloj en la Esperanto-vikipedio [2011-08-26]
Renkontighoj
En kvieta valo [2011-08-26]
Renkontighoj
Deko da aliĝoj por SOMERE 2011 [2011-06-13]
Renkontighoj
PRINTEMPE kun harpoj kaj pupteatro [2011-05-11]

 
Lingvokursoj/Instruado
 
Renkontighoj
 
Komputilo/Interreto
Literaturo
Gazetoj
Muziko
Radio
 
Monda Politiko
Scienco/Interlingvistiko
Faka Aplikado
Arto
Religio
 
Esperanto en Afriko
Esperanto en Ameriko
Esperanto en Azio
Esperanto en Australio
Esperanto en Europo
 
Pri Esperanto
 
Lingvopolitiko
 
Diversajhoj
 
Marknomoj
31 - 40 | 51 - 60 (549)
 

Lingvopolitiko, Esperanto en Europo
English Forum Switzerland:Cenzuro kontraŭ Esperanto

2011-10-10

auf deutsch

La anglalingva interretejo "English Forum Switzerland" forigis foruman demandon pri Esperanto kaj jam antaŭe komentojn de almenaŭ ses personoj. La koncernaj uzantoj estis daŭre forigitaj.

"Ĉu mi povas uzi Esperanton en Svislando?"

En mardo, 4-a de oktobro, la uzanto nickmcanada demandis: "I am wondering if I can use Esperanto in Switzerland? Is the number of people who speak Esperanto growing?" (Mi demandas min, ĉu mi povas uzi Esperanton en Svislando? Ĉu kreskas la nombro de homoj, kiuj parolas Esperanton?) Sekve venis almenaŭ 25 respondoj, parte kritikaj kontraŭ Esperanto, parte informaj aŭ pozitivaj.

Komentoj kaj diskutfadeno forigitaj

Komentoj de almenaŭ ses uzantoj dum la sekvaj tagoj estis senkomente forigitaj. Por la uzanto ĉiam aperis nur la komuniko "You have been banned for the following reason: Posting unwanted spam. Date the ban will be lifted: Never". (Vi estis forigita pro la sekva kaŭzo: Sendado de nedezirata trudvarvado. Dato, kiam finiĝas la forigo: Neniam.) Dimanĉe nokte la tuta diskutfadeno estis forigita; ĝi nuntempe ankoraŭ troviĝas ĉe Google (serĉo ekzemple: "site:englishforum.ch esperanto language corner").

Anglalingva interreta gazeto "The Local"

La "English Forum Switzerland" funkcias kunlabore kun la interreta gazeto "The Local". Tiu anglalingva gazeto havas naciajn eldonojn por Svedio, Francio, Svislando kaj Germanio; ĝin eldonas la entrepreno "The Local Europe".

Ŝajne oni komprenas Esperanton kiel minacan konkurencon al la angla, la bazo de la komerca modelo de "The Local". Demando pri Esperanto kaj kritikaj komentoj pri ĝi estis ankoraŭ permesataj - informoj kaj pozitivaj komentoj kontraste estis forigitaj.

Lingvopolitiko
Esperanto en Europo
 

Komputilo/Interreto, Radio, Muziko
Muzaiko - retradio en Esperanto

2011-10-05

auf deutsch

Ĉu vi ŝatas aŭskulti Esperanto-muzikon? Ĉu same kiel en normala radio, simple unu pecon post la alia, sen devi okupiĝi pri elekto? Nu, la retradio Muzaiko ofertas tion kaj eĉ iom pli: Mondajn novaĵojn je la plena horo, intervjuojn kaj raportojn pri la Esperanto-vivo kaj la ekstera mondo inter la muzikpecoj.

Intervjuo en 'Libera Folio'

Ankoraŭ Muzaiko estas en komenca fazo. Do la taga programo konsistas el trihoraj blokoj, kiuj estas sinsekve ripetataj. Sed oni havas multajn planojn, pri kiuj la Muzaiko-teamo parolis en intervjuo kun Libera Folio.

Ĉu vi volas kunkrei la radion Muzaiko?

Grava temo kompreneble estas la akiro de pliaj kunlaborantoj - Muzaiko bonvenigas ĉian helpon. Ekzemple oni serĉas redaktantojn kaj laŭtlegantojn de novaĵoj, intervjuantojn kaj raportantojn.

Komputilo/Interreto
Radio
Muziko
 

Komputilo/Interreto
Vikia Vortaro - serĉi kaj plukrei

2011-09-14

Certe ankaŭ vi de tempo al tempo provas traduki vorton el via denaska aŭ el alia lingvo al Esperanto kaj ne facile trovas ion konvenan. Mi ekzemple ĵus serĉis la germanan vorton "Wahlpflichtfach"; temas pri devige elektenda fako, kutime en lernejo aŭ universitato; ekzemple lernanto devas elekti inter kelkaj fremdlingvoj.

Kvankam la termino devus esti ne tute fremda al Esperanto-rondoj, ĝia Esperanto-traduko ŝajne ne troviĝas en la sekvaj retaj vortaroj:

  • Reta Vortaro (ReVo)
  • Vikipedio
  • Majstro
  • Komputeko
  • Lernu
  • Vikia Vortaro
  • Wiktionary
  • Enzyklo

Feliĉe mi ne devis serĉi ĉiujn tiujn ok retadresojn aparte - tion faris aŭtomate la Vikia Vortaro. Oni enmetas la serĉatan vorton en ajna lingvo (eblas aldoni lingvojn per "Preferoj") kaj taskigas la retejon serĉi memstare. Aperas bela superrigardo.

Eble laŭ vi mankas ankoraŭ iu grava reta vortaro en tiu listo. Tiukaze konsideru proponi ĝian aldonon al ViVo.

Vi povas kunkonstrui la vortaron

Se ne troviĝas traduko en la reto (aŭ se laŭ vi ĝi ne estas taŭga), eblas aldoni artikolon. Por tio cetere ne necesas, ke oni jam havas ideon por traduko en Esperanto - eblas lasi tiun kampon libera. Aktuale oni serĉas ekzemple belan Esperanto-tradukon por la angla "green room". Mi cetere ne konis tiun anglan esprimon antaŭe (kiel eble vi), sed ja konsciis pri la ekzisto de tiaj ĉambroj :-)

En ViVo necesas enmeti difinon de nova termino. Por faciligi tiun taskon al la kunkonstruanto, la retejo disponigas difinojn el Enzyklo. Tiuj iom helpas por trovi ideon, kiel formuli difinon. (Tute laŭvorta traduko eble ne estas konsilinda pro kopirajtaj kaŭzoj.)

La registriĝa proceduro por ViVo estas cetere tre simpla.

Bildoj, kundiskutantoj kaj uzoinformoj

Eble vi deziras aldoni retligon al bildo de la priskribata afero: Tio eblas. Aŭ vi havas la impreson, ke iu el viaj konatoj povus kontribui al la nova artikolo: Enmetu ties retpoŝtan adreson. Se vi havas demandon pri unu el la kampoj de la formularo, klaku al (i) kaj vi ricevos detalajn informojn.

Plibonigi la retejon

Eble iuloke la retejo ne jam funkcias tute glate. Ne senesperiĝu! Ja temas pri speciala retejo, kiun programis Bart Demeyere. Li estas tre helpema, se vi havas demandon, kaj daŭre plibonigas la paĝojn. Eble vi povas solvi la demandon ankaŭ pere de la Google-grupo ViVo-funkcio.

Multan plezuron ĉe la uzado kaj plibonigo de la Vikia Vortaro! Vivu ViVo!

Lu Wunsch-Rolshoven, EsperantoLand



Aldonoj, 15-a de septembro 2011

Iom pri la fono de tiu internet-projekto oni povas legi ĉe Ipernity. Dankon pro la atentigo al la aŭtoro Bernardo, kiu krome rekomendas: "Antaŭ eklaboro ne forgesu aĉeti PIV-on kaj regule konsulti ĝin ;-)) "

Ilona Koutny atentigas, ke la vorto 'Wahlpflichtfach' "- kaj multaj necesaj vortoj por la ĉiutaga uzo - troviĝas en la Etvortaro pri Lernado kaj Laboro (Koutny 2003)". Multan dankon pro la atentigo! Eble laboremaj kontribuantoj de ViVo baldaŭ zorgos pri tio, ke ankaŭ tiu ĉi vortaro iom post iom aldoniĝos al ViVo, kadre de kopirajtaj limoj...

Komputilo/Interreto
 

Komputilo/Interreto, Faka Aplikado
Komiksoj en Esperanto

2011-09-07

Intertempe en pluraj retejoj aperas komiksoj en Esperanto - sur bildetejo.net, sur komiksoj.wordpress.com kaj ankaŭ ĉe esperanto.com.

Jam antaŭ du jaroj komencis aperi komiksoj ĉe komiksoj.wordpress.com. Tiujn tradukas el la germana lingvo laborgrupo de lernu.net - la originaloj venas interalie de nichtlustig.de kaj fonflatter.de. Tiuj komiksoj nun publikiĝas ankaŭ ĉe esperanto.com. Tradukiĝis jam pli ol cento da komiksoj.

Pli nova estas la retejo bildetejo.net. Ĝi publikigas ĉiusemajne tradukojn - de Baloo, Gogo la testudo, Gronk kaj mycartoons.de.

Komputilo/Interreto
Faka Aplikado
 

Komputilo/Interreto
Interreta televidelsendo el Meksikio

2011-09-04

En Meksikio produktiĝis ĝis nun du retaj televidelsendoj faritaj de junuloj kaj fakuloj. Sur la paĝo legeblas:

"Tiu ĉi televidprogramo elsendiĝas realtempe ĉiuvendrede ekde la 21:00a ĝis la 22:00a horoj laŭ la meksikurba horaro kaj celas informi al vi pri diversaj naciaj kaj internaciaj aktualaĵoj". Temas pri "la unua meksika esperanto-programo kie partoprenas junuloj el diversaj esperantokursoj kaj fakuloj de la urbo Agŭaskaljentes kaj kondukas la programon Ĉente kaj Leo."

Eblas spekti la ĝis nun du arkivajn elsendojn ĉiumomente.

La informo aperis ankaŭ en la membropaĝoj de Libera Folio.

[Libera Folio]

Komputilo/Interreto
 

Lingvokursoj/Instruado
2310 homoj ekzameniĝis pri Esperanto en Hungario

2011-08-28

En la jaro 2010 entute 2310 homoj sukcese trapasis ekzamenon pri Esperanto ĉe la hungara lingvo-eduka kaj ekzamena centro (Nyelvvizsgáztatási Akkreditációs Központ); tion raportas la ofte vizitata hungarlingva novaĵretejo [origo].

Per la nombro de ekzamensukcesintoj Esperanto atingis ankaŭ pasintjare la trian rangon pri ekzamenoj, post la angla (70 485 sukcesaj ekzamenoj) kaj la germana (22 758) kaj antaŭ la franca (2 108), rusa (1 424) kaj hispana (1 243). Kompare kun la nombro de ĉiuj lingvoekzamenoj (102 923) Esperanto atingis 2,2 procentojn. (En la statistika paĝo 'sikeres' indikas la sukcesajn ekzamenojn, 'sikertelen' la malsukcesajn kaj 'összesen' la sumon.)

La Centro ekzamenas grandparte studentojn, kiu bezonas ateston pri lingvokono por povi fini siajn studojn; en Hungario por tio oni bezonas - depende de la universitato aŭ altlernejo - konfirmon pri scio en unu aŭ du lingvoj. La nombroj do ne inkluzivas ekzemple la abiturientajn ekzamenojn pri lingvoj. Tie Esperanto en 2011 atingis la 15-an rangon kun nur 8 ekzamenitoj. Se oni sumigas ambaŭ vicojn de nombrojn - kvankam temas pri malsamaj jaroj - oni povas supozi, ke Esperanto sume havas la kvaran lokon pri lingvoekzamenoj, post la franca.

La nombroj de ekzamenitoj ĉe la centro similas al tiuj en la antaŭaj jaroj. Inter 2001 kaj 2009 ĉiujare inter 2000 kaj 3700 homoj sukcesas tie en lingvoekzameno pri Esperanto.

Oni povas konstati, ke la nombro de sukcesintoj laŭ la statistiko estas relative malalta, ĉ. 42 %, kio vekis viglan diskuton en la retlisto esp-en-hung. Eble la ekzameniĝantoj trotaksas la facilecon de Esperanto kaj sekve tro frue aliĝas al la ekzameno.

Lingvokursoj/Instruado
 

Komputilo/Interreto
150 000 artikoloj en la Esperanto-vikipedio

2011-08-26

En dimanĉo, 7-a de aŭgusto 2011, la Esperanta Vikipedio atingis la nombron de 150.000 artikoloj. Per tio la enciklopedio en la internacia lingvo havas lokon 27 inter la diverslingvaj versioj de Vikipedio, tuj post la araba kaj la dana versioj.

La Vikipedio multe helpas al la uzado de Esperanto flanke de parolantoj en pli ol 120 landoj de ĉiuj kontinentoj kaj al ilia kleriĝo. Ĝi estas ofte konsultata paĝaro kun ĉiutage pli ol 400 000 paĝorigardoj. Tiurilate ĝi tenas lokon 34 inter la diverslingvaj versioj de Vikipedio.

Aldone al la Vikipedio ekzistas en Esperanto maŝine tradukita versio de la anglalingva vikipedio, Wikitrans, kiu havas pli ol tri milionojn da artikoloj. Kvankam maŝine tradukita ĝi estas relative bone komprenebla kaj servas al multaj Esperanto-parolantoj.

Maŝinaj tradukoj helpas ankaŭ en la plua ellaboro de la Vikipedio. Ekzistas du specialaj paĝoj, kiuj subtenas la kreadon de novaj artikoloj, GramTrans kaj Vikitradukilo.

[Libera Folio]

Komputilo/Interreto
 

Renkontighoj
En kvieta valo

2011-08-26

La ĉi-jara 9-a Somera Mezeŭropa Renkontiĝo (SOMERE) okazis de la 23-a ĝis la 30-a de julio rande de la vilaĝeto Kirchähr en la germana regiono "Westerwald", iom oriente de Koblenz. La renkontiĝejo troviĝis en kvieta valo kun arbaro, kio permesis al ni fari kelkajn belajn promenojn; bone regalis nin la kuiristino en la domo. Partoprenis entute dudeko da homoj inkluzive de familio, multaj venis el Belgio, la aliaj el Germanio kaj Pollando.

Jen videblas kelkaj fotoj de la kunveno.

Ekskursoj al Rejno kaj Lahn

Ni ekskursis al diversaj lokoj de la regiono - al Montabaur kaj ties kastelo kaj ankaŭ al Limburg ĉe la rivero Lahn kun ties impone kolora katedralo kaj ĉarma malnova urboparto. En Koblenz kelkaj vizitis la ĝardenekspozicion, dum la aliaj promenis tra la urbo apud Rejno kaj Mozelo. En alia ekskurso ni veturis al la urbetoj Nassau kaj al la malnova baneja kuracloko Bad Ems, kiun vizitadis interalie rusa caro kaj aliaj rusaj famuloj en la 19-a jarcento. Surpriza bildo estis vidi en germana urbeto rus-ortodoksan preĝejon.

Duflanka puzlo kaj pri psikologiaj grupoj

Endome ni sekvis plurajn prelegojn. Christian Declerck prelegis pri la lingvouzo, Danka Leyk klarigis al ni, kiel funkcias psikologia grupo, Lu Wunsch-Rolshoven informis pri kelkaj principoj de varbado kaj pri la difuzo de novaj aferoj. Okazis ankau lingvokurso. Kaj kompreneble ni ĝuis babiladon, ludadon kaj puzladon - ĉi-foje ni havas ne nur tridimensian puzlon, sed sukcesis ankau kunmeti duflankan puzlon, kun la sama bildo supre kiel malsupre; iom streĉe - sed des pli kontentige sukcesi tamen.

Lu Wunsch-Rolshoven, EsperantoLand

Renkontighoj
 

Renkontighoj
Deko da aliĝoj por SOMERE 2011

2011-06-13

Intertempe deko da homoj aliĝis al la 9-a SOMERE, la "Somera Mezeŭropa Renkontiĝo" en Kirchähr, proksime de Montabaur en la regiono Westerwald. La domo en bela valo apud rivereto promesas esti bela kadro por la kunveno. Kelkaj programproponoj jam kolektiĝis.

Pliaj informoj troviĝas sur la retpaĝo de SOMERE.

Renkontighoj
 

Renkontighoj
PRINTEMPE kun harpoj kaj pupteatro

2011-05-11

Entute 24 gastoj venis al la ĉi-jara dua renkontiĝo "PRINTEMPE" organizita de EsperantoLand, kiu okazis de la 18-a ĝis la 25-a de aprilo en pejzaĝa domo apud la vilaĝo Baasem en la Eifel-regiono, Germanio. Kelkaj el la partoprenantoj ekskurse venis el Belgio kaj ĝuis nur unu tagon, aliaj restis dum unu aŭ du noktoj aŭ la tutan semajnon. Feliĉe la partoprenantaro estis internacia kaj ni preskaŭ ekskluzive parolis en Esperanto.

Promenoj, kastelo, harpoj

La programo estis varia kaj pro la ĉiutaga sunbrilo ni povis pasigi multan tempon ekstere: Ni promenis en la ĉirkaŭo, al najbaraj vilaĝoj kaj apud proksima lago. Dum aliaj tagoj ni ekskursis al kastelo kaj veturis al la urbo Bitburg (kie okazos la venonta Novjara Renkontiĝo). Krome ni vizitis naturcentron kun ekspozicioj pri la historio kaj la naturo de la regiono. Pro la samtempa ĉeestado de harp-orkestro ni povis aŭskulti ties koncerton, bele aranĝitan ekstere apud la domo. Kaj, kompreneble, dum la paska dimanĉo ni amuziĝis serĉante ovojn.

Banado kaj "Aleksandro kaj la mekanika muso"

Endome ni plurfoje ĝuis banadon en la naĝejo kaj aŭskultis prelegojn, interalie pri la vojaĝo de Marcel Delforge tra Moskvo al Mongolio kaj pri varbado. Certe la arta kulmino de la semajno estis prezento de rakonto fare de la lerta pupludisto Christoph Frank: "Aleksandro kaj la mekanika muso". Kaj kiel ĉe ĉiu Esperanto-renkontiĝo ni multe ĝuis babiladon.

Jen kelkaj fotoj de la renkontiĝo.

Renkontighoj
 

© EsperantoLand

16-a Novjara Renkontiĝo 2017/18 en Saarbrücken

La deksesa Novjara Renkontiĝo (NR) de EsperantoLand okazos de la 27-a de decembro 2017 ĝis la 3-a de januaro 2018 en Saarbrücken - tuj apude de Francio. Aliĝis ĝis nun 21 homoj kaj ni atendas denove 150 ĝis 200 gastojn - inter ili kiel kutime sesdeko da infanoj kaj junuloj. Okazos apartaj programeroj por junuloj kaj junaj plenkreskuloj inter 14 kaj 35 jaroj (ĉefe 14 ĝis 20) sub la nomo "Novjara Internacia Semajno" (NIS). plu

 

579 Esperanto-grupoj el la tuta mondo

Esperanto-novajhoIntertempe 579 lokaj Esperanto-grupoj troviĝas sur la grupaj mapoj de EsperantoLand. De Kordobo en Argentino ĝis la Amikeca Klubo de Hararo en Zimbabvo Esperanto-parolantoj en trideko da landoj ĝojas pri vizitantoj el eksterlando. plu

 

Renkontiĝoj kaj aranĝoj sur mapoj

Esperanto-novajhoSur la tutmondaj mapoj de EsperantoLand eblas trovi kaj enmeti informojn pri renkontiĝoj kaj aranĝoj en la tuta mondo. plu

 

Retuma rekomendo "Le Monde Diplomatique" en Esperanto

Esperanto-novajhoLa reta eldono de la monata gazeto "Le Monde Diplomatique" de kelka tempo estas legebla ankaŭ en Esperanto. plu

 

Retuma rekomendo
Ĉiutagaj mondnovaĵoj en Esperanto

Esperanto-novajhoĈiutage ĉirkaŭ tri mondajn novaĵojn en Esperanto oni povas legi kaj ankaŭ aŭdi ĉe la retopaĝoj de la Ĉina Radio Internaciaplu