Renkontighoj
PRINTEMPE kun harpoj kaj pupteatro

2011-05-11

Entute 24 gastoj venis al la ĉi-jara dua renkontiĝo "PRINTEMPE" organizita de EsperantoLand, kiu okazis de la 18-a ĝis la 25-a de aprilo en pejzaĝa domo apud la vilaĝo Baasem en la Eifel-regiono, Germanio. Kelkaj el la partoprenantoj ekskurse venis el Belgio kaj ĝuis nur unu tagon, aliaj restis dum unu aŭ du noktoj aŭ la tutan semajnon. Feliĉe la partoprenantaro estis internacia kaj ni preskaŭ ekskluzive parolis en Esperanto.

Promenoj, kastelo, harpoj

La programo estis varia kaj pro la ĉiutaga sunbrilo ni povis pasigi multan tempon ekstere: Ni promenis en la ĉirkaŭo, al najbaraj vilaĝoj kaj apud proksima lago. Dum aliaj tagoj ni ekskursis al kastelo kaj veturis al la urbo Bitburg (kie okazos la venonta Novjara Renkontiĝo). Krome ni vizitis naturcentron kun ekspozicioj pri la historio kaj la naturo de la regiono. Pro la samtempa ĉeestado de harp-orkestro ni povis aŭskulti ties koncerton, bele aranĝitan ekstere apud la domo. Kaj, kompreneble, dum la paska dimanĉo ni amuziĝis serĉante ovojn.

Banado kaj "Aleksandro kaj la mekanika muso"

Endome ni plurfoje ĝuis banadon en la naĝejo kaj aŭskultis prelegojn, interalie pri la vojaĝo de Marcel Delforge tra Moskvo al Mongolio kaj pri varbado. Certe la arta kulmino de la semajno estis prezento de rakonto fare de la lerta pupludisto Christoph Frank: "Aleksandro kaj la mekanika muso". Kaj kiel ĉe ĉiu Esperanto-renkontiĝo ni multe ĝuis babiladon.

Jen kelkaj fotoj de la renkontiĝo.

Lastaj novaĵoj   Renkontighoj
 

© EsperantoLand
 

NULIGITA! La 19-a Novjara Renkontiĝo 2021/22 ne okazos

Ni planis okazigi la deknaŭan Novjaran Renkontiĝon (NR) de EsperantoLand ĉi-jarfine - sed pro la decidita malpermeso de privataj kunvenoj de pli ol dek homoj ni devis nuligi ĝin.  plu

 

579 Esperanto-grupoj el la tuta mondo

Esperanto-novajhoIntertempe 579 lokaj Esperanto-grupoj troviĝas sur la grupaj mapoj de EsperantoLand. De Kordobo en Argentino ĝis la Amikeca Klubo de Hararo en Zimbabvo Esperanto-parolantoj en trideko da landoj ĝojas pri vizitantoj el eksterlando. plu

 

Renkontiĝoj kaj aranĝoj sur mapoj

Esperanto-novajhoSur la tutmondaj mapoj de EsperantoLand eblas trovi kaj enmeti informojn pri renkontiĝoj kaj aranĝoj en la tuta mondo. plu