Renkontighoj
SOMERE 2012 denove en Jünkerath

2012-06-12

Venu somerumi kun ni!


En 2012 la internacia somera renkontiĝo de EsperantoLand okazos denove en Jünkerath, meze inter Kolonjo kaj Treviro (Trier); ni planas ĉi-foje unu semajnon de la 13-a ĝis la 21-a de julio. Kunvenos proksimume 20 ĝis 30 gastoj, ĉefe el Nederlando, Belgio, Luksemburgio kaj Francio; jam aliĝis 15 homoj.

Interparoloj kaj ekskursoj, kelkaj prelegoj kaj lingvokursoj

La programo estos varia, kiel kutime - la celo estas senstreĉaj ferioj. Estos Esperanto-lingvokursoj por komencantoj, progresantoj kaj konversacio, prelegoj kaj diversaj kursoj laŭ la oferto de la partoprenantoj. Krome ni faros promenojn kaj ekskursojn.

Ludsalono por infanoj kaj plenkreskuloj

Aparte alloga certe estos denove la granda ludsalono de la domo, kie pluraj dekoj da ludoj pretas por amuzi nin. Testu vian lertecon, vian kapablon ĵeti pilkon, moviĝi sur testudeto aŭ celtrafe ŝovi platojn!

Detaloj kaj la aliĝilo nun troviĝas sur nia retpaĝo pri SOMERE 2012. Jen listo de kelkaj el la aliĝintoj por SOMERE 2012.

Ĝuu la someron ĉe EsperantoLand!

Lastaj novaĵoj   Renkontighoj
 

© EsperantoLand
 

12-a Novjara Renkontiĝo 2013/14 en Saarbrücken

Esperanto-novajhoLa dekdua Novjara Renkontiĝo (NR) de EsperantoLand okazis de la 27-a de decembro 2013 ĝis la 3-a de januaro 2014 en Saarbrücken - tuj apud la german-franca landlimo. Estis iom pli ol 200 gastoj - inter ili okdeko da infanoj kaj junuloj. Okazis apartaj programeroj por junuloj kaj junaj plenkreskuloj inter 14 kaj 35 jaroj (ĉefe 14 ĝis 25) sub la nomo "Novjara Internacia Semajno" (NIS). plu

 

579 Esperanto-grupoj el la tuta mondo

Esperanto-novajhoIntertempe 579 lokaj Esperanto-grupoj troviĝas sur la grupaj mapoj de EsperantoLand. De Kordobo en Argentino ĝis la Amikeca Klubo de Hararo en Zimbabvo Esperanto-parolantoj en trideko da landoj ĝojas pri vizitantoj el eksterlando. plu

 

Renkontiĝoj kaj aranĝoj sur mapoj

Esperanto-novajhoSur la tutmondaj mapoj de EsperantoLand eblas trovi kaj enmeti informojn pri renkontiĝoj kaj aranĝoj en la tuta mondo. plu