FAQFAQ   SuchenSuchen   MitgliederlisteMitgliederliste   BenutzergruppenBenutzergruppen   RegistrierenRegistrieren 
 ProfilProfil   Einloggen, um private Nachrichten zu lesenEinloggen, um private Nachrichten zu lesen   LoginLogin 

Dieses Forum Freunden empfehlen


Kostoj de lingva malegalrajteco. Agado en EU-parlamento

 
Neues Thema eröffnen   Neue Antwort erstellen    www.EsperantoLand.de Foren-Übersicht -> Esperantlingva forumo
Vorheriges Thema anzeigen :: Nächstes Thema anzeigen  
Autor Nachricht
Lu Wunsch-Rolshoven
Moderator
Moderator


Anmeldedatum: 02.06.2002
Beiträge: 931
Wohnort: Berlin

   

BeitragVerfasst am: Fr März 27, 2009 10:11 am    Titel: Kostoj de lingva malegalrajteco. Agado en EU-parlamento Antworten mit Zitat

Antaŭ pli ol jaro Áron Lukács el Hungario publikigis 20-paĝan studon pri la kostoj de lingvolernado, "Ekonomiaj aspektoj de la lingva malegaleco", troveblan en pluraj lingvoj ĉe ekolingvo.com kaj en Esperanto ĉe speciala adreso. (Li konsideras, ke prefere oni ne menciu Esperanton kaj supozeble tial la Esperanto-versio ne estas atingebla ekde la ĉefpaĝo.)

La ĉefa rezulto estas, ke Eŭropo uzas grandan kvanton de horoj kaj de mono por la lingvolernado kaj -instruado kaj perdas multon pro lingvobaroj. Ĉiujare tio sumiĝas al la ekvivalento de 350 miliardoj da eŭroj aŭ ĉ. 3 % de la Malneta Interna Produkto de EU (do la sumo de ĉiuj produktoj kaj servoj). La studo finiĝas per listigo de la taskoj de la EU-Komisiono kaj demando:

Zitat:
"Konsidere tiujn ĉi regulojn, estiĝas la demando: Kiam kaj kiel la Eŭropa Komisiono devigos Brition pagi al ĉiuj koncernuloj la sumon rezultantan el la maljusta konkurenca avantaĝo priskribita en ĉi tiu studo?"


Li sendis la studon ankaŭ al la EU-komisionano pri multlingveco kaj en aprilo 2008 ricevis la jenan respondon.

Antaŭ nelonge Áron Lukács sendis la studon al ĉiuj EU-parlamentanoj. Sur la paĝo "Kiel mi povas helpi?" li proponas sendi leterojn al gazetoj, en kiu tekstas: "Ĉiuj Membroj de la Eŭropa Parlamento ricevis unikan studon pri la ekonomiaj aspektoj de lingva malegaleco" kaj "konstatoj de la studo estos ege interesa(j) al viaj legantoj."

Pri la sinteno de EU-oficistoj li ricevis la jenan klarigon de trejnisto de tradukistoj kaj interpretistoj - vidpunkto, kiu ne estas tre ĉarma por Esperanto-parolantoj: La EU-oficistoj "pensas (kaj tio estas la ĝenerala sento) ke esperantistoj estas fanatikuloj..."

Sur tiu paĝo Áron Lukács skribas poste pri la lingvo-temaro: "Unue oni devas montri la problemon, kaj atendi, ke ILI diru, ke ILI volas solvon!"

Kion vi opinias pri la studo? Kion pri la sendado al la EU-parlamento, pri la gazetara kampanjo, pri la eldiro de tiu bruselano, pri la ideo, unue montri la problemon kaj atendi, ke la EU-oficistoj volas solvon?
Nach oben
Benutzer-Profile anzeigen Private Nachricht senden Website dieses Benutzers besuchen
Gary
10 Beiträge
10 Beiträge


Anmeldedatum: 08.07.2008
Beiträge: 10
Wohnort: Berlin

   

BeitragVerfasst am: Mi Apr 01, 2009 8:11 am    Titel: Antworten mit Zitat

Áron argumentas, ke "en la aktuala situacio la lingvo-uzado en la Eŭropa Unio distordas la merkaton kaj konsiderinde malhelpas la liberan konkurencadon en la ekonomio". Li citas el la EU-leĝaro por aserti, ke la nuna lingva situacio en la EU donas nelaŭleĝan konkurencavantaĝon al Britio. Pri la valideco de lia argumentado apenaŭ povas juĝi jura laiko. Verŝajne ankaŭ la EU-parlamentanoj, kiuj ricevis la studon, konkludas jam post rapida trarigardo de la unuaj paĝoj, ke ĝi estas eventuale afero por juristoj kaj la Eŭropa Kortumo, sed ne por ili, la parlamentanoj.

Ne mirigas min, ke laŭ la impreso de EU-oficistoj esperantistoj estas fanatikuloj. Ekzistas neformala grupo de esperantistoj, kiuj descendas kvazaŭ lokustoj sur EU-retforumojn kiel tiujn de Orban kaj Wallström por "premi" favore al Esperanto en la EU. Ilia argumentado estas sufiĉe unuŝablona kaj povas krei ĉe homo, kiu tute ne konas la Esperanto-komunumon, la impreson, ke regas en ĝi io simila al "partia linio". Ne videbliĝas en tiu agado la reala plureco de tiu komunumo – dank' al la dubinda imago, ke en proksima ĝis meza tempoperspektivo eblas "trapuŝi" Esperanton en la EU.
Nach oben
Benutzer-Profile anzeigen Private Nachricht senden Website dieses Benutzers besuchen
Lu Wunsch-Rolshoven
Moderator
Moderator


Anmeldedatum: 02.06.2002
Beiträge: 931
Wohnort: Berlin

   

BeitragVerfasst am: Do Apr 02, 2009 8:35 am    Titel: Juro ne estas chio. Chu ekzistas 'silentanta plimulto'? Antworten mit Zitat

Povas esti, ke vere estas kontraŭleĝa avantaĝo por Britio, povas esti, ke tamen ne. Laŭ mi tio ne vere gravas. Tiajn aferojn oni ne povas bone ŝanĝi per kortuma decido, necesas politika volo. (Ja finfine kortumoj decidas surbaze de leĝoj kaj konstitucioj, kiujn voĉdonas politikistoj...)

Momente neniu politikisto havas pli bonan kaj trapuŝeblan ideon ol simple vole nevole plu akcepti la pozicion de la angla. Pri la problemoj ligitaj al tio ili konscias - sed oni ja scias, ke ne ĉio estas ideala en la vivo.

Rilate al la samlingvaj malsamideanoj, kiuj lokuste svarmas en la EU-retejoj: Mi venis al la konkludo, ke ilia opinio eble estas malplimulta en Esperantujo, ke ekzistas la fama "silentanta plimulto" ankaŭ en Esperantujo, ĝuste pri tiaj temoj. Homoj, kiuj simple uzas Esperanton kaj ne vere deziras ĝeni EU-funkciulojn per tio. Kiuj jes ŝatus iom da rekono kaj subteno por Esperanto, sed ne multon pli.
Nach oben
Benutzer-Profile anzeigen Private Nachricht senden Website dieses Benutzers besuchen
Helmut
Moderator
Moderator


Anmeldedatum: 22.07.2004
Beiträge: 823
Wohnort: Stemmert

   

BeitragVerfasst am: Do Apr 02, 2009 11:54 am    Titel: Antworten mit Zitat

Estas kiel kutime: ekzistas malgranda grupo de fanatikuloj, kiuj kreas malgustan impreson pri la fanatikeco de Esperantistoj. Dum mia aktiva GEJ-periodo tio estus cchefe du personoj: s-ro August Wetterstein kaj s-ro Ruppert Sittl ("Deutsche Esperanto-Jugend Briefmission Asien/Afrika"), plus eventuale unu au du aliaj, ne pli.

En la Esperanto-Koncerna ministerio sidis afabla oficisto, kiu diskrete subtabligis la leterojn de tiuj personoj. Tiel la malagrablaj skribajhoj ne eniris la dosierojn. La oficisto iam klarigis al ni, ke tiaj "superaktivaj" personoj trovighas en chiuj idealismaj organizoj, sed ke li konscias, ke ili ne reprezentas la opinion de la asocioj. Se estis io farende per au pro Esperanto, tiu persono chiam kontaktis GEA, ignorante la "leter-kanonistojn".

Se la instancoj de UE ne konscias, ke tiaj fanatikuloj ne reprezentas la opinion de la E-organizoj, tiam tio estas kompreneble tre bedaurinde, sed ankau montras la malkapablon de tiuj instancoj, kiuj ne kapablas distingi.
Nach oben
Benutzer-Profile anzeigen Private Nachricht senden
Lu Wunsch-Rolshoven
Moderator
Moderator


Anmeldedatum: 02.06.2002
Beiträge: 931
Wohnort: Berlin

   

BeitragVerfasst am: Mi Apr 08, 2009 8:02 am    Titel: La modelo "Plansprache-only" (nur planlingvo) Antworten mit Zitat

Hieraŭ mi trovis en referaĵo:

Zitat:
Die Vorstellung, eine Plansprache könne in der EU als Hauptarbeitssprache, als Leitsprache funktionieren, mag den Protest der Gegner des Modells einer einzigen Arbeitssprache hervorrufen.

Zu Recht wird darauf hingewiesen, dass das “English-only”-Modell für den Erhalt der Mehrsprachigkeit der EU und ihrer Kulturvielfalt eine Gefahr darstellt.

Demgegenüber könnte jedoch das sprachpolitische Modell “Plansprache-only” Vorteile bieten und sogar dem Schutz der National- und Minderheitensprachen dienen: (...)


(Teksto el 2003. Traduko: La ideo, ke planlingvo povus funkcii en EU kiel ĉefa laborlingvo, kiel gvida lingvo, eble provokos la proteston de kontraŭuloj de la modelo de sola laborlingvo. Prave oni atentigas, ke la "Nur-angla"-modelo signifas danĝeron por la vivteno de la plurlingveco de EU kaj de ĝia kultura plureco. Kontraste la lingvopolitika modelo "Nur-planlingvo" povus prezenti avantaĝojn kaj eĉ servi al la protekto de naciaj kaj minoritataj lingvoj.)

Kion vi opinias pri la proponita modelo "Plansprache-only" (nur-planlingvo)?
Nach oben
Benutzer-Profile anzeigen Private Nachricht senden Website dieses Benutzers besuchen
Helmut
Moderator
Moderator


Anmeldedatum: 22.07.2004
Beiträge: 823
Wohnort: Stemmert

   

BeitragVerfasst am: Mi Apr 08, 2009 11:11 am    Titel: Antworten mit Zitat

Chu vi povus diri ion pri la autoro de la citita referajho?
Nach oben
Benutzer-Profile anzeigen Private Nachricht senden
Lu Wunsch-Rolshoven
Moderator
Moderator


Anmeldedatum: 02.06.2002
Beiträge: 931
Wohnort: Berlin

   

BeitragVerfasst am: Mi Apr 08, 2009 7:21 pm    Titel: Konata homo Antworten mit Zitat

Relative konata homo. Eble unue formu vian opinion pri la teksto antaŭ ol ekscii la nomon.
Nach oben
Benutzer-Profile anzeigen Private Nachricht senden Website dieses Benutzers besuchen
Lu Wunsch-Rolshoven
Moderator
Moderator


Anmeldedatum: 02.06.2002
Beiträge: 931
Wohnort: Berlin

   

BeitragVerfasst am: Sa Apr 11, 2009 4:17 pm    Titel: Kiun opinion havas la Esperanto-organizoj? Antworten mit Zitat

Helmut hat Folgendes geschrieben:
Se la instancoj de UE ne konscias, ke tiaj fanatikuloj ne reprezentas la opinion de la E-organizoj, tiam tio estas kompreneble tre bedaurinde, sed ankau montras la malkapablon de tiuj instancoj, kiuj ne kapablas distingi.


Ĉu laŭ vi la Esperanto-organizoj havas klaran opinion pri Esperanto en Eŭropa Unio? Ĉu hazarde vi konas iun tekston, en kiu iu organizo detaligas sian opinion? (Unua provo povus esti la Tezoj pri la EU-lingvodemando de GEA el 1995 - sed eĉ la tezoj 8 kaj 9 ne estas tre klaraj por la praktiko.)

Depende de via respondo ni eble repripensu pri la malkapablo, kiun vi menciis.
Nach oben
Benutzer-Profile anzeigen Private Nachricht senden Website dieses Benutzers besuchen
Beiträge der letzten Zeit anzeigen:   
Neues Thema eröffnen   Neue Antwort erstellen    www.EsperantoLand.de Foren-Übersicht -> Esperantlingva forumo Alle Zeiten sind GMT + 1 Stunde
Seite 1 von 1

 
Gehe zu:  
Du kannst keine Beiträge in dieses Forum schreiben.
Du kannst auf Beiträge in diesem Forum nicht antworten.
Du kannst deine Beiträge in diesem Forum nicht bearbeiten.
Du kannst deine Beiträge in diesem Forum nicht löschen.
Du kannst an Umfragen in diesem Forum nicht mitmachen.


Powered by phpBB © 2001, 2005 phpBB Group
Deutsche Übersetzung von phpBB.de

Forum installiert und modifiziert von NoMoKeTo.de