Trovi esperantlingvajn tekstojn per Google

[Lu Wunsch-Rolshoven]

Sur la vikipedia paĝo pri Esperanto-historio: Kronologio mi aldonis, ke oni povas limigi la Google-serĉon al esperantlingvaj paĝoj ekde iu dato en 2006/7/8: "2006/2008: La reta serĉilo Google enmetas Esperanton kiel serĉlingvon (dezirata lingvo de la serĉata paĝo)."

Bedaŭrinde mi ne sukcesis trovi la ekzaktan daton, kiu devas troviĝi iam inter junio 2006 kaj novembro 2008. Almenaŭ mi eltrovis, ke unue eblis serĉi en proks. 35 lingvoj, poste oni aldonis verŝajne kun Esperanto la lingvojn Armenian, Filipino, Persian, Thai kaj Ukrainian (angla lingvo-nomo); do poste estis 41 tiaj serĉlingvoj.

Ĉu iu el vi havas ideon, kiel eltrovi la aldondaton?