Scienca esploro pri la lingvoj de mesaĝoj ĉe Tvitero informas, ke dum la pasintaj dek jaroj tie dissendiĝis kelkaj cent milionoj da mesaĝoj en Esperanto. Inter la entute 150 priserĉitaj lingvoj Esperanto havis per tio lokon 23. 

La konata pupludisto kaj magiisto Christoph Frank publikigis bildlibron, "La aveluja trezoro". Temas pri avelujaj kreaĵoj en la ĝardeno de Christoph Frank. Kiajn fantaziajn aventurojn ili travivas, vi povas vidi kaj legi en la 40-paĝa bildlibro. 

La ĵurnalisto Gaston Dorren verkis libron pri proksimume 60 eŭropaj lingvoj, germane "Sprachen: Eine verbale Reise durch Europa" (Lingvoj: Vorta vojaĝo tra Eŭropo). La ĉapitro pri Esperanto bedaŭrinde prezentas tiun lingvon komplete malĝuste - interalie la aŭtoro asertas, ke Esperanto estus "malfacila". La malo veras: Esperanto estas lernebla en proksimume kvarono de la tempo, kiun oni bezonas ekzemple por la angla aŭ hispana. 

Dum la lastaj jardekoj la uzado de Esperanto pli kaj pli kreskis. Ĉi tio montriĝas ankaŭ per la fakto, ke nuntempe ekzistas almenaŭ ĉirkaŭ cent homoj, por kiuj Esperanto fariĝis la ĉefa lingvo, do la lingvo, kiun ili uzas pli multe ol siajn aliajn lingvojn.
 

La filmo "Roma" de la filmisto Alfonso Cuarón ricevis tri Oscar-premiojn; lia entrepreno nomiĝas "Esperanto-Filmoj". La filmo estis premiita kiel plej bona alilingva filmo. Krome Cuarón estis premiita pro "Achievement in Cinematography" kaj kiel plej bona filmdirektoro. 

La entrepreno Mozilla publikigis pli ol mil horojn da laŭtparolata lingvo kun la koncerna transskribado. Tion ili disponigas senkoste kaj ili volas per tio helpi ĉefe al pli malgrandaj entreprenoj krei softvaron pri lingvoj. Inter la 18 lingvoj de la unua versio troviĝas ankaŭ Esperanto. 

La dekoka Novjara Renkontiĝo (NR) de EsperantoLand okazos de la 27-a de decembro 2019 ĝis la 3-a de januaro 2020 denove en Wiesbaden - 40 km okcidente de Frankfurto ĉe Majno. Ni atendas denove proksimume 200 gastojn - inter ili kiel kutime sesdeko da infanoj kaj junuloj. Okazos apartaj programeroj por junuloj kaj junaj plenkreskuloj inter 12 kaj 25 jaroj (ĉefe 14 ĝis 20) sub la nomo "Novjara Internacia Semajno" (NIS). 

Intertempe 579 lokaj Esperanto-grupoj troviĝas sur la grupaj mapoj de EsperantoLand. De Kordobo en Argentino ĝis la Amikeca Klubo de Hararo en Zimbabvo Esperanto-parolantoj en trideko da landoj ĝojas pri vizitantoj el eksterlando. 

Sur la tutmondaj mapoj de EsperantoLand eblas trovi kaj enmeti informojn pri renkontiĝoj kaj aranĝoj en la tuta mondo. 

La reta eldono de la monata gazeto "Le Monde Diplomatique" de kelka tempo estas legebla ankaŭ en Esperanto. 

Ĉiutage ĉirkaŭ tri mondajn novaĵojn en Esperanto oni povas legi kaj ankaŭ aŭdi ĉe la retopaĝoj de la Ĉina Radio Internacia. 

Ĉina Mjaŭa fabelo reverkita por infanoj; ilustrita

Plu

Ĉu_vi pretus morti pro via kredo? Kompreneble ne, ja povus esti, ke mi eraras. (Laŭ Bertrand Russell)